9 ແຂວງລະວັງຟ້າລົມຝົນຕົກໜັກ

0
11826

 

ເນື່ອງຈາກຮ່ອມຄວາມກົດດັນອາກາດຕ່ຳຂອງອາກາດຮ້ອນຈະພາດຜ່ານ ແຂວງພາກກາງຫາພາກໃຕ້ຂອງປະເທດລາວ ສົມທົບກັບມໍລະສຸມຕາເວັນຕົກສ່ຽງໃຕ້ ມີກຳລັງປານກາງຫາແຮງ ພັດປົກຄຸມໃນໄລຍະວັນທີ 1-3 ມິຖຸນາ 2018 ນີ້ ຊຶ່ງຈະເກີດມີຝົນຕົກ, ຟ້າຮ້ອງ ຟ້າເຫຼື້ອມ ແລະລົມພັດແຮງຢູ່ບາງທ້ອງຖິ່ນບັນດາແຂວງພາກກາງຫາພາກໃຕ້.

ໃນຊ່ວງໄລຍະເວລາດັ່ງກ່າວ ແມ່ນຈະມີຝົນຕົກຟ້າຮ້ອງ, ຟ້າເຫຼື້ອມໃນລະດັບຄ່ອຍຫາປານກາງ ແລະໜັກ ພ້ອມມີລົມພັດແຮງຢູ່ບັນດາແຂວງເຊັ່ນ: ແຂວງວຽງຈັນ, ໄຊສົມບູນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ ແລະແຂວງອັດຕະປື.

 

ດັ່ງນັ້ນ, ຈິ່ງແຈ້ງມາຍັງປະຊາຊົນບັນດາເຜົ່າ ແລະ ອຳນາດການປົກຄອງ ແລະອົງການຈັດຕັ້ງທຸກພາກສ່ວນ ທີ່ອາໄສຢູ່ບັນດາແຂວງດັ່ງກ່າວຈົ່ງມີສະຕິກຽມພ້ອມຮັບມືກັບສະພາບອາກາດທີ່ມີການປ່ຽນແປງໃນໄລຍະໜຶ່ງຫາສອງວັນຕໍ່ໜ້າ.

ເພື່ອກຽມພ້ອມຮັບມືກັບສະພາບອາກາດ ທີ່ຈະເກີດມີຟ້າຜ່າ, ຕົ້ນໄມ້ລົ້ມ, ຫຼັງຄາເຮືອນເປ່ເພ ຊຶ່ງຈະເປັນອັນຕະລາຍຕໍ່ຊີວິດ ແລະຊັບສິນ ພ້ອມນີ້ກໍ່ໃຫ້ຫຼີກເວັ້ນການຢູ່ກ້ອງຕົ້ນໄມ້ໃຫຍ່ ຫຼື ສິ່ງປຸກສ້າງທີ່ບໍ່ໄດ້ມາດຕະຖານ ພ້ອມທັງຕິດຕາມຂ່າວພະຍາກອນອາກາດຢ່າງໃກ້ຊິດ.

LEAVE A REPLY

Please enter your comment!
Please enter your name here