ຈີນ​ເຫັນ​ວ່າ​ປາ​ແລັ​ສ​ຕິນ​ແລະ​ອິ​ສ​ຣາ​ແອນ​ຄວນ​ຢຸດ​ຕິ​ການ​ປະ​ທະ​ກັນ​ແບບ​ນອງ​ເລືອດ​ໃນ​ທັນ​ທີ

0
2886
Israeli tanks take up positions along the border with the Gaza strip, on Israel-Gaza Border, Tuesday, May 29, 2018. The Israeli military said three soldiers were wounded by fire from the Gaza Strip on Tuesday. Tensions have soared over the past two months as the Palestinians have held mass protests along the Gaza-Israel frontier. Israeli fire has killed more than 100 Palestinians and wounded thousands at the protests since March. (AP Photo/Ariel Schalit)

cri , ທ່ານ​ກົ່ງ​ສຽວ​ເຊິ່ງ ທູດ​ພິ​ເສດ​ບັນ​ຫາ​ຕາ​ເວັນ​ອອກ​ກາງ​ຂອງ​ຈີນ​ທີ່​ກຳ​ລັງ​ຢ້ຽມ​ຢາມ​ເອ​ຢິບ​ກ່າວ​ເນັ້ນ​ໃນ​ວັນ​ທີ 31 ພຶດ​ສະ​ພາ​ຜ່ານ​ມານີ້​ວ່າ: ປາ​ແລັ​ສ​ຕິນ​ແລະ​ອິ​ສ​ຣາ​ແອນ​ຄວນ​ຢຸດ​ຕິ​ການ​ປະ​ທະ​ກັນ​ແບບນອງ​ເລືອດ​ໃນ​ທັນ​ທີ​ ແລະ​ການ​ເຈ​ລະ​ຈາ​ແລະ​ສົນ​ທະ​ນາ​ທາງ​ການ​ເມືອງ​ເປັນ​ທາງ​ອອກ​ພຽງ​​ໜຶ່ງດຽວ​ເທົ່າ​ນັ້ນ​ໃນ​ການ​ແກ້​ໄຂ​ບັນ​ຫາ​ປາ​ແລັ​ສ​ຕິນ-ອິ​ສ​ຣາ​ແອນ.

ທ່ານ​ກົ່ງ​ສຽວ​ເຊິ່ງ​ກ່າວ​ຕື່ມ​ວ່າ: ຈີນ​ໃຫ້​ຄວາມ​ສົນ​ໃຈ​ຢ່າງ​ສູງ​ຕໍ່​ສະ​ພາບ​​ເຄັງ​ຕຶງຂອງ​ປາ​ແລັ​ສ​ຕິນ​ໃນ​ປັດ​ຈຸ​ບັນ ແລະ​ຈີນ​ເຫັນ​ວ່າ: ປະ​ຊາ​ຄົມ​ໂລກ​ຄວນ​ສືບ​ຕໍ່​ຍຶດ​ໝັ້ນ “ແຜນ​ການ​ສອງ​ປະ​ເທດ”, ປະ​ຕິ​ບັດ​ຕາມ​ມະ​ຕິ​ກ່ຽວ​ຂ້ອງ​ຂອງ​ອົງ​ການ​ສະ​ຫະ​ປະ​ຊາ​ຊາດ​ແລະ​ຄວາມ​ເປັນ​ເອ​ກະ​ພາບ​ໃນ​ສາ​ກົນ​ທີ່​ມີ​ຢູ່​ແລ້ວ​ເຊັ່ນ​ວ່າ ຂໍ້​ລິ​ເລີ່ມ​ສັນ​ຕິ​ພາບ​ອາ​ຣັບ​ແລະ​ອື່ນໆ ເພື່ອ​ເສີມ​ຂະ​ຫຍາຍ​ບົດ​ບາດ​ສ້າງ​ສັນ​ໃນ​ການ​ແກ້​ໄຂ​ບັນ​ຫາ​​ປາແລັ​ສ​ຕິນ​ດ້ວຍ​ວິ​ທີ​ທາງ​ການ​ເມືອງ.

ທ່ານ​ກົ່ງ​ສຽວ​ເຊິ່ງ​ຢືນ​ຢັນ​ວ່າ ຈີນ​ຕີ​ລາ​ຄາ​ສູງ​ຕໍ່​ບົດ​ບາດ​ຂອງ​ເອ​ຢິບ​​​ໃນ​ການ​ສົ່ງ​ເສີມ​ຂະ​ບວນ​ການ​ສັນ​ຕິ​ພາບ​ຕາ​ເວັນ​ອອກ​ກາງ, ​ພ້ອມ​ທັງ​ຍິນ​ດີ​​ຮັກ​ສາ​ການປະ​ສານ​ງານ​ແລະ​ຮ່ວມ​ມື​ກັບ​ເອ​ຢິບ​ແລະ​ພະ​ຍາ​ຍາມ​ຮ່ວມ​ເພື່ອ​ບັນ​ລຸ​ສັນ​ຕິ​ພາບ​ຂອງ​ຕາ​ເວັນ​ອອກ​ກາງ.

LEAVE A REPLY

Please enter your comment!
Please enter your name here