ຂອງຂວັນວັນເດັກນ້ອຍ! ທຸກປະຕູທີ່ ເມສຊີ – ເນມາ ຍິງໄດ້ ຈະປ່ຽນເປັນອາຫານໃຫ້ກັບເດັກນ້ອຍຜູ້ອຶດຫິວໃນລາຕິນ

0
9722


ບໍລິສັດທາງການເງິນຊື່ດັງ ໄດ້ມີການຖະແຫຼງການເນື່ອງໃນໂອກາດວັນເດັກນ້ອຍສາກົນ 1 ມິຖຸນາ 2018 ວ່າ: ຕໍ່ຈາກນີ້ ທຸກໆປະຕູທີ່ ລີໂອເນລ ເມສຊີ ແລະ ເນມາ ຍິງໄດ້ ຈະປ່ຽນເປັນອາການ 10 ພັນມື້ໃຫ້ກັບເດັກນ້ອຍ ໃນແຖບອາເມຣິກາລາຕິນ ແລະ ແຄຣິບບຽນ.

ເມສຊີ


ຕາມການລາຍງານບອກວ່າ: ມີຜູ້ຄົນໃນ ອາເມຣິກາລາຕິນ ຫຼາຍກວ່າ 40 ລ້ານຄົນ ປະສົບການຄວາມອຶດຫິວ ແລະ ໃນຈໍານວນນັ້ນມີເດັກນ້ອຍຢູ່ຈໍານວນຫຼວງຫຼາຍ, ເຊິ່ງທາງ ມາສເຕີກາດ ໄດ້ດືງ 2 ນັກເຕະຢ່າງ ເມສຊີ ກັບ ເນມາ ເຂົ້າຮ່ວມໂຄງການດັ່ງກ່າວ ໂດຍລະບຸວ່າ ທຸກປະຕູທີ່ເກີດຂຶ້ນຈາກນັກເຕະທັງ 2 ຄົນນັບຕັ້ງແຕ່ມື້ນີ້ຈົນເຖິງເດືອນມີນາ 2020 ຈະຖືກປ່ຽນເປັນອາຫານ ສໍາລັບເດັກນ້ອຍເຫຼົ່ານັ້ນ.

ເນມາ

ເຊິ່ງທາງບໍລິສັດຈະບໍລິຈາກເງິນທຽບເທົ່າກັບຈໍານວນອາຫານ 10 ພັນວັນໃຫ້ກັບ World Food Program ( WFP ) ຂອງສະຫະປະຊາຊາດ ທີ່ຈະເປັນຜູ້ແຈກຢາຍໃຫ້ກັບເດັກນ້ອຍຈໍານວນດັ່ງກ່າວຕໍ່ໄປ.


ຕໍ່ກັບເຫດການດັ່ງກ່າວ ເມສຊີ ໄດ້ກ່າວເຖິງໂຄງການດັ່ງກ່າວວ່າ: ຂ້ອຍມີິຄວາມສຸກຫຼາຍ ແລະ ພູມໃຈທີ່ໄດ້ເປັນສ່ວນໜຶ່ງໃນໂຄງການນີ້, ມັນຈະຊ່ວຍປ່ຽນຊີວິດໃຫ້ກັບເດັກນ້ອຍຫຼາຍພັນຄົນ ແລະ ຂ້ອຍຫວັງວ່າ ມັນຈະຊ່ວຍສ້າງຮອຍຍິ້ມໄດ້ຢ່າງຫຼວງຫຼາຍ.


ສ່ວນ ເນມາ ບອກວ່າ: ຂ້ອຍມີຄວາມສຸກທີ່ມີສ່ວນຊ່ວຍເຫຼືອ, ພວກເຮົາຕ້ອງທີ່ຈະເຮັດໃຫ້ເດັກໃນປະເທດດັ່ງກ່າວມີອາຫານການກິນທີ່ດີ ແລະ ໄດ້ຮັບການຊ່ວຍເຫຼືອເພີ່ມຂຶ້ນ.

LEAVE A REPLY

Please enter your comment!
Please enter your name here