ງາມຈົນເກີນຫ້າມໃຈ! ເສື້ອທີມຊາດ ໄນຈີເຣຍ ຂາຍໝົດ 3 ລ້ານໂຕພຽງເປີດຂາຍນາທີດຽວ

0
3130

ຮືຮາເມື່ອ ເສື້ອທີມຊາດໄນຈີເຣຍ ຊຸດໃໝ່ທີ່ຈະໃຊ້ໃນ ບານໂລກ 2018 ທີ່ຣັດເຊຍ ສ້າງປະກົດການໃໝ່ເມືຶ່ອມີການເປີດເຜີຍວ່າ ມີຍອດຈັບຈອງທົ່ວໂລກເຖິງ 3 ລ້ານໂຕ ພາຍຫຼັງທີ່ມີການເປີດຂາຍຢ່າງເປັນທາງການພຽງນາທີດຽວເທົ່ານັ້ນ ກາຍເປັນເສື້ອທີ່ມີຍອດຂາຍຫຼາຍທີ່ສຸດໃນໂລກ.

ເສື້ອນີ້ມີລາຄາຂາຍທີ 64.95 ປອນຕໍ່ໂຕ ໂດຍເປັນເສື້ອທີ່ ໄນກີ້ ອອກແບບມາຈາກແນວຄິດຍ້ອນຍຸກເມື່ອປີ 1994 ໃນສະໄໝທີ່ ໄນຈີເຣຍ ຜ່ານເຂົ້າໄປຫຼິ້ນຮອບສຸດທ້າຍໃນບານໂລກ ທີ່ສະຫະລັດອາເມຣິກາ ເປັນຄັ້ງທໍາອິດ ດ້ວຍການອອກແບບແບບຮຽບງ່າຍ, ແຕ່ສວຍງາມມີລັກສະນະເດັ່ນເປັນສີຂຽວອ່ອນ, ລາຍຊິກແຊກ ໂດຍສະລັບກັບແຂນເປັນສີຂາວ ແລະ ຄໍເສື້ອມົນ.

ສໍາລັບ ບານໂລກ 2018 ເປັນຄັ້ງທີ 6 ທີ່ ໄນຈີເຣຍ ຜ່ານເຂົ້າມາຫຼິ້ນຮອບສຸດທ້າຍໄດ້ສໍາເລັດ ໂດຍຄັ້ງນີ້ຢູ່ກຸ່ມ ດີ ຮ່ວມສາຍກັບ ອາເຈນຕິນາ, ໂຄເອເຊຍ ແລະ ໄອຊ໌ແລນ.

LEAVE A REPLY

Please enter your comment!
Please enter your name here