ໃຜມັກຈີ່ໜັງ ລະວັງເຈີຂອງປອມເດີ

0
33826

 

ມື້ນີ້ມີຂ່າວເຕືອນໄພມາຝາກ ຈາກພົນລະເມືອງດີທ່ານໜຶ່ງທີ່ເພິ່ນໄປຊື້ໜັງຢູ່ຕະຫຼາດຂົວດິນ ນະຄອນຫຼວງວຽງຈັນເພາະເຫັນວ່າລາຄາຖືກຜິດປົກກະຕິຈິ່ງລອງຊື້ມາ ປະກົດວ່າເປັນຂອງປອມພີ່ນ້ອງເອີຍ, ເພິ່ນຈິ່ງຝາກເຕືອນຊາວລາວທຸກຄົນທີ່ມັກກິນຈີ່ໜັງ ຫຼື ຊື້ໜັງມາປຸງແຕ່ງອາຫານໃຫ້ພາກັນສັງເກດ ແລະບໍ່ໃຫ້ເສຍເງິນຍ້ອນຂອງປອມພວກນີ້.

ທ່ານທີ່ພົບເຫັນເຫດການບອກວ່າ: ກ່ອນອື່ນຂໍອະໄພນຳທ່ານທັງຫຼາຍ ບໍ່ແມ່ນມີເວລາວ່າງດອກ ແຕ່ເຫັນວ່າຈຳເປັນຕ້ອງເວົ້າ ເພື່ອສິດ ແລະຜົນປະໂຫຍດຂອງທຸກຄົນ. ອີກອັນໜື່ງຢາກບອກວ່າ ບໍ່ໃຫ້ຜູ້ບໍລິໂພກກັງວົນໃຈເດີ ເພາະໜັງປອມນີ້ຈະບໍ່ເຖິງປາກຂອງທ່ານແນ່ນອນ ຍ້ອນວ່າເມື່ອເຜົາອອກມາແລ້ວມັນຈະບໍ່ເປັນຮູບຮ່າງຄືຈີ່ໜັງເລີຍ. (ແຕ່ຖ້າຊື້ໜັງລາຄາຖືກຢູ່ຕະຫຼາດຕ້ອງເສຍເງິນໃຫ້ຢ່າງແນ່ນອນ)

ຢຳ້ອີກເທື່ອໜຶ່ງວ່າຜູ້ບໍລິໂພກຈະບໍ່ເສຍຫາຍແນ່ນອນເພາະທ່ານຈະບໍ່ໄດ້ກິນໜັງປອມ(ບໍ່ໃຫ້ຕົກໃຈ) ແຕ່ຜູ້ທີ່ເສຍຫາຍແມ່ນຜູ້ທີ່ຊື້ໜັງດິບໄປເພື່ອຈະເອົາໄປປຸງແຕ່ງອາຫານ ແລະເອົາໄປຈີ່ຂາຍ ອັນນີ້ສ່ຽງທີ່ຈະເສຍເງິນ.

ຂ້າພະເຈົ້າໄດ້ໄປສຳຫຼວດຕະຫຼາດສົດ (ຕະຫຼາດຂົວດິນ) ແລ້ວເຫັນໜັງເຄັມລາຄາຖືກ ທຽບກັບທີ່ເຄີຍຊື້ 40.000₭/kg ອັນນີ້ຂາຍໂດຍແມ່ຄ້າຊາວຫວຽດນາມຂາຍພຽງ 10.000₭/kg. ພໍຊື້ມາແລ້ວ ເອົາມາທົດລອງເຜົາເພື່ອຈະຊີມເບິ່ງລົດຊາດ ປາກົດວ່າເຜົາແລ້ວໄໝ້ ຮູບຮ່າງບໍ່ຄືໜັງເລີຍ, ສັນນິຖານວ່າຄົງຈະເຮັດຈາກການນຳເອົາສຳລີ ປະສົມໃສ່ໄຂມັນສັດ ແລະມີການແຕ່ງກິ່ນ.

ເຫັນໜັງປອມແບບນີ້ທ່ານກໍ່ບໍ່ຢ້າວຕົກໃຈຫຼາຍ ເພາະວ່າມີແຕ່ສ່ວນໜ້ອຍໜຶ່ງເທົ່ານັ້ນ, ສ່ວນວ່າຂອງປະຊາຊົນລາວທີ່ຂາຍຕາມແຄມທາງ, ຕາມຂະຫຼາດທົ່ວໄປກໍ່ຍັງແມ່ນໜັງແທ້ຢູ່. ສຳລັບຂອງປອມກໍ່ຝາກກ່ຽວຂ້ອງລົງກວດກາຕິດຕາມ ເພື່ອປົກປ້ອງສິດ ແລະຜົນປະໂຫຍດຂອງປະຊາຊົນ, ຕ້ອງກຳນົດມາດຕະຖານສິນຄ້າທີ່ມີຄຸນນະພາບ ຮູ້ແຫຼ່ງທີ່ມາແນ່ນອນຕາມລະບຽບກົດໝາຍທີ່ອົງການການຄ້າໂລກໄດ້ລະບຸໄວ້ໃຫ້ແຕ່ລະປະເທດປະຕິບັດ.

Cr: Bounthieng Lattanavong

LEAVE A REPLY

Please enter your comment!
Please enter your name here