ແຈ້ງເຕືອນພະຍຸດີເປຼຊັນ

0
20399

 

ພະຍາກອນອາກາດປະຈໍາວັນທີ 03 ມີຖຸນາ 2018 ກົມອຸຕຸນິຍົມ ແລະອຸທົກກະສາດ ແຈ້ງເຕືອນໃຫ້ປະຊາຊົນລະວັງເລື່ອງ ລົມພາຍຸດີເປຼ່ຊັນເນື່ອງຈາກວ່າ ຮ່ອງຄວາມກົດດັນອາກາດຕໍ່າຍັງສືບຕໍ່ພາດຜ່ານເຂດພາກກາງ ແລະ ພາກໃຕ້ຂອງປະເທດລາວ ແລະ ປ່ອງເຂົ້າໃສ່ລົມພາຍຸດີເປຼ່ຊັນ ຊຶ່ງໃນເວລາ 8:30 ໂມງ ຂອງວັນທີ 03 ມິຖຸນາ2018 ມີຈຸດສູນກາງຢູ່ເສັ້ນຂະໜານທີ 13,7 ອົງສາເໜືອ ແລະ ເສັ້ນແວງທີ 111,3 ອົງສາຕາເວັນອອກ ພວມເຄື່ອນທີ່ລຽບຕາມຊາຍແດນດ້ານຕາເວັນອອກຂອງປະເທດຫວຽດນາມ ຢ່າງຊ້າໆ ດ້ວຍຄວາມໄວ 15 ກິໂລແມັດຕໍ່ຊົ່ວໂມງ.

ພາຍຸຫົວນີ້ ຈະເຄື່ອນທີ່ຢູ່ລຽບຊາຍແດນຫວຽດນາມໃນໄລຍະ 3 – 4 ວັນຕໍ່ໜ້ານີ້, ຊຶ່ງຈະເຮັດໃຫ້ ມີຝົນຕົກໃນລະດັບປານກາງເປັນບໍລິເວນກວ້າງໃນເຂດພາກກາງ ແລະ ພາກໃຕ້ຂອງປະເທດລາວ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ ໃນໄລຍະວັນທີ 4 – 8 ມິຖຸນາ 2018.

ດັ່ງນັ້ນ ຈຶ່ງຂໍແຈ້ງເຕືອນ ເຖິງພໍ່ແມ່ປະຊາຊົນ ແລະ ອຳນາດການປົກຄອງທີ່ອາໄສໃນເຂດພາກກາງ ແລະ ພາກໃຕ້ ຈົ່ງມີສະຕິ ແລະ ກຽມພ້ອມຮັບມືກັບສະພາບຝົນຕົກໜັກ ແລະ ລົມພັດແຮງ ທີ່ອາດຈະເຮັດໃຫ້ມີຕົ້ນໄມ້ໃຫຍ່ຫັກລົ້ມ, ຫຼັງຄາເຮືອນເປ່ເພ, ດິນເຈື່ອນ, ນໍ້າຊຸ ແລະ ນໍ້າຖ້ວມອັ່ງຢູ່ບາງທ້ອງຖິ່ນ.

LEAVE A REPLY

Please enter your comment!
Please enter your name here