ຫຼວງພຣະບາງ ຍັງຫາເລີກຫາໄຊໃນບ້ານບໍ່ເຫັນ ຫຼັງເສຍ ມາສເຕີ 7 ນັດເປີດສາກຮອບຂາກັບ ລາວລີກ

0
2655

ສະໂມສອນ ຫຼວງພຣະບາງ ຢູໄນເຕັດ ເປີດບ້ານເສຍໃຫ້ກັບ ສະໂມສອນ ມາສເຕີ7 ເອັຟຊີ 1-2 ໃນການແຂ່ງຂັນບານເຕະ ເປບຊີ ລາວພຣີເມຍ ຮອບຂາກັບ ນັດທໍາອິດ ເມື່ອວັນທີ 3 ມິຖຸນາ 2018.

ໂດຍສະໂມສອນ ມາສເຕີ7 ເອັຟ ໄດ້ປະຕູຂື້ນນຳຈາກຜູ້ຫລີ້ນໝາຍເລກ7 Shin Yutaro ນາທີ 1’21ວິນາທີ ສະໂມສອນ ຫຼວງພຣະບາງ ຢູໄນເຕັດ ໄດ້ປະຕູຕີສະເໝີ ຈາກຜູ້ຫລີ້ນໝາຍເລກ 18 Mikael Anny ນາທີ71 ມາສເຕີ7 ໄດ້ປະຕູໄຊຈາກຜູ້ຫລີ້ນໝາຍເລກ9 Tashiro Chikara ນາທີ 81.

ຈາກຜົນດັ່ງກ່າວສົ່ງຜົນໃຫ້ ຫຼວງພຣະບາງ ຢູໄນເຕັດ ຍັງຫາໄຊຊະນະໃນບ້ານບໍ່ໄດ້ຈັກນັດ ຈາກການແຂ່ງຂັນໃນບ້ານ 4 ນັດສະເໝີ 3 ແລະ ເສຍ 1 ນັດສະເພາະໃນບ້ານ, ສ່ວນນອກບ້ານແຂ່ງຂັນ 4 ນັດຊະນະ 2, ສະເໝີ 1 ແລະ ເສຍ 1 ນັດມີ 10 ຄະແນນຄືເກົ່າຢູ່ອັນດັບທີ 4 ຂອງຕາຕະລາງ.

ຮູບຈາກ: lao sport news

ຮູບຈາກ: Luangprabang United

LEAVE A REPLY

Please enter your comment!
Please enter your name here