ເນມາ ພ້ອມຫຼຸດຄ່າເມື່ອຍ ເພື່ອໂອກາດໄປຮ່ວມ ຣີລ ມາດຣິດ

0
17

ເລກິບ ສື່ຝຣັ່ງລາຍາງານວ່າ: ເນມາ ກອງໜ້າຕົວສໍາຄັນຂອງ ປາຣີສ ແຊງແຊກແມງ ສະໂມສອນໃນລີກເອິງ ຝຣັ່ງ ພ້ອມຫຼຸດຄ່າເມື່ອຍ ເພື່ອຈຸດປະສົງໃນການຍ້າຍໄປຮ່ວມ ຣີລ ມາດຣິດ ທີມໃນລາລີກາ ສະເປນ ໃນໄລຍະປິດລະດູການນີ້.

 

 

ເນມາ ທີມຊາດບຣາຊິນ ຕ້ອງການຍ້າຍອອກຈາກ ປາຣີສ ຢ່າງຈິງຈັງ ໂດຍຍິນດີທີ່ຈະຫຼຸດຄ່າເມື່ອຍ ເພື່ອໃຫ້ມີຄວາມພໍດີກັບເພດານຄ່າເມື່ອຍ ທີມໃໝ່ອີກດ້ວຍ ເຖິງວ່າຈະຫາກໍ່ຍ້າຍມາຈາກ ບາເຊໂລນາ ເມື່ອໄລຍະລະດູການ ທີ່ຜ່ານມາ ດ້ວຍຄ່າຕົວເປັນສະຖິຕິໂລກ 198 ລ້ານປອນ ກໍ່ຕາມ.

ປັດຈຸບັນ ເນມາ ອາຍຸ 25 ປີຮັບຄ່າເມື່ອຍ 33 ລ້ານປອນຕໍ່ປີ ຫຼາຍທີ່ສຸດເປັນອັນດັບ 2 ຂອງໂລກ ໂດຍເປັນຮອງພຽງ ລີໂອເນລ ເມສຊີ ອະດີດເພື່ອນຮ່ວມທີມເກົ່າ ທີ່ຮັບຄ່າເມື່ອຍ 44 ລ້ານປອນ ຕໍ່ປີ.

ສ່ວນ ຄຣິສເຕຍໂນ ໂຣນັລໂດ ກອງໜ້າທີມຊາດໂປຣຕູເກດ ໄດ້ຄ່າເມື່ອຍ 18.5 ລ້ານປອນຕໍ່ປີ ນັ້ນໝາຍຄວາມວ່າ ເນມາ ອາດຕ້ອງຍອມຮັບຄ່າເມື່ອຍຫຼຸດລົງ ຖ້າຕ້ອງກາຍມາ ມາດຣິດ.

ພ້ອມກັນນີ້ ມີຂ່າວວ່າ: ຟລໍເຣນຕິໂນ ເປເຣຊ ປະທານສະໂມສອນ ຣີລ ມາດຣິດ ພ້ອມທີ່ຈະໃສ່ ໂຣນັລໂດ ເປັນໜຶ່ງໃນຂໍ້ສະເໜີຍື່ນໃຫ້ ເນມາ ໄປຮ່ວມທີມ ແລະ ຄາດວ່າ ຈະມີຄ່າຕົວ 218 ລ້ານປອນ.

ນອກຈາກນີ້ ຖ້າຫາກວ່າ ໂຣນັລໂດ ຈະຍ້າຍກັບໄປຢູ່ກັບ ແມນເຊັສເຕີ ຢູໄນເຕັດ ຫຼັງຈົບລະດູການນີ້ ເຊື່ອວ່າ ຣີລ ມາດຣິດ ຈະນໍາເງິນດັ່ງກ່າວໄປໃຊ້ຈ່າຍ ເພື່ອຄວ້າ ເນມາ ໄປຮ່ວມທີມ.

LEAVE A REPLY

Please enter your comment!
Please enter your name here