ເກີດເຫດກໍ່ການຮ້າຍຢູ່ນະຄອນຫຼວງຂອງອາບການິດສະຖານ ມີຜູ້ເສຍຊີວິດ ເກືອບ100ຄົນ

0
11

ສຳນັກຂ່າວເອພີລາຍງານວ່າ: ເຫດບຸກໂຈມຕີແບບກໍ່ການຮ້າຍທີ່ເກີດຂຶ້ນໃນວັນທີ 27 ມັງກອນ ຢູ່ນະຄອນຫລວງກາບູນຂອງປະເທດ ອາບການິດສະຖານ ເຮັດໃຫ້ ມີຜູ້ເສຍຊີວິດຢ່າງຫນ້ອຍ95 ຄົນ  ແລະ 158 ຄົນຮັບບາດເຈັບ.

ຕໍ່ສະພາບການດັ່ງກ່າວ ສະພາຄວາມໝັ້ນຄົງ ສປຊ ກໍ່ເນັ້ນໜັກເຖິງຄວາມສຳຄັນຂອງເລື່ອງນຳຕົວການ, ບັນດາອົງການ ຫຼື ບຸກຄົນອຸປະກະລະ ແລະ ສະໜອງການເງິນໃຫ້ບັນດາການກະທຳກໍ່ການຮ້າຍດັ່ງກ່າວ ຂຶ້ນສານຍຸຕິທຳ, ພ້ອມທັງ ກະຕຸກຊຸກຍູ້ບັນດາປະເທດຈົ່ງຮ່ວມມືຢ່າງຕັ້ງໜ້າກັບລັດຖະບານ ອາບການິດສະຖານ ກໍ່ຄືວົງການເຈົ້າໜ້າທີ່ ທີ່ກ່ຽວຂ້ອງໃນບັນຫານີ້.

ດ້ານທ່ານເລຂາທິການໃຫຍ່ ສະຫະປະຊາຊາດ ກໍ ສະແດງຄວາມສາມັກຄີກັບລັດຖະບານ ແລະ ຊາວ ອາບການິດສະຖານ, ພ້ອມທັງ ຢືນຢັນວ່າ ບັນດາເຫດບຸກໂຈມຕີຢ່າງຊະຊາຍແນໃສ່ສາມັນຊົນຢູ່ແມ່ນການກະທຳລະເມີດສິດທິມະນຸດ ແລະ ກົດໝາຍວ່າດ້ວຍມະນຸດສະທຳສາກົນ.

LEAVE A REPLY

Please enter your comment!
Please enter your name here